རྩོམ་པ་པོ། ལུང་སྐྱ་དགོན། བསོད་ནམས་རིན་ཆེན། བདུད་བཞི་བཅོམ་ཞིང་ལས་བཞི་ལྷུན་འགྲུབ་སྐུ་བཞིའི་གཉེན་གྱུར་ཟས་གཙང་སྲས།།ཐེག་གསུམ་བསྟན་ནས་དུག་གསུམ་སེལ་མཛད་སྒོ་གསུམ་སྐྱོན་བྲལ་ཐུབ་པའི་དབང་།།ཚོགས་གཉིས་ལམ་གྱིས་སྐུ་གཉིས་མངོན་གྱུར་དོན་གཉིས་མཐར་ཕྱིན་བཅོམ་ལྡན་འདས།།སྲིད་ཞིའི་འཇིགས་བཅོམ་རྒྱལ་བའི་དབང་པོས་དུས་གསུམ་ཀུན་ཏུ་བདག་སྐྱོངས་ཤིག། རྒྱལ་བའི་ལྗགས་བཟང་དཔལ་ག

མཛད་པ་པོ། མཁན་དཔལ་འབྱོར་ཚེ་རིང་།ཀུན་མཁྱེན་ཇོ་ནང་བ་ཆེན་པོའི་རང་ལུགས་དྲི་མ་མེད་པ་ལས་བརྩམས་ཏེ་མཐར་ཐུག་གཞན་སྟོང་ཟབ་མོའི་དགག་བྱ་འགོག་ཚུལ་ཐུན་མོངས་མ་ཡིན་པ་མདོར་བསྡུས་ཙམ་ངོ་སྤྲོད་ཞུ་བ་ལ། ཐུན་མོངས་ཀྱི་རིགས་པའི་དཔྱད་པ་ལས་བརྩམས་ཏེ་འཆད་ཚུལ་དང་། མཉམ་བཞག་ཟབ་མོའི་གཟིགས་ཚུལ་གོ་བབ་ཀྱི་སྟེང་ངོ་སྤྲོད་པའི་འཆད་ཚུལ་དང་། ཤིན་ཏུ་སྦས་པ་མན་ངག་ཟབ་མོ་ལ་བརྟེན་ནས་ཡེ་

*ཇོ་ནང་དགེ་བཤེས་༧ངག་དབང་དངོས་གྲུབ་དཔལ་ལགས་ཀྱིས་མཛད། ཀུན་མཁྱེན་དོལ་པོ་པ་ཤེས་རབ་རྒྱལ་མཚན་ལ་ཕྱག་འཚལ་ལོ། །དོན་དམ་སྣང་སྟོང་སྤྲོས་བྲལ་རྟོགས་པའི་ཡུལ། །ཀུན་རྫོབ་སྣང་སྟོང་ཐ་སྙད་རྟོགས་པའི་ཡུལ། །མ་འདྲེས་བདེན་རྫུན་རྒྱལ་ཁམས་སོ་སོའི་དོན། །ཇི་བཞིན་འབྱེད་པ་དོལ་པོ་སངས་རྒྱས་རྒྱལ། ། དེ་ལ་འདིར་ཇོ་ནང་བའི་ལུགས་ཀྱི་དགག་བྱ་ངོས་འཛིན་ཚུལ་ཅུང་ཟད་བརྗོད་ན། ཆོས་ཉིད་ཡོ

རིས་མེད་མཐོ་སློབ་མཁན་ཆེན་བསམ་གཏན་རྒྱ་མཚོ།མཆོག་གི་དང་པོའི་དཔལ་དུས་ཀྱི་འཁོར་ལོ་ལ་ཕྱག་འཚལ་ལོ། འདིར་དུས་འཁོར་གྱི་ཕྱོགས་ལ་དཔྱད་པ་བསྡུས་ཙམ་བརྗོད་པ་ལ། ཐོག་མར་བཅོམ་ལྡན་འདས་ཇི་ལྟར་མངོན་པར་སངས་རྒྱས་པའི་ཚུལ། སངས་རྒྱས་ནས་རྒྱུད་ཀྱི་རྒྱལ་པོ་ལེགས་པར་གསུངས་པའི་ཚུལ། ལེགས་གསུངས་རྒྱུད་སྡེ་བཞིའི་དགོས་པ་བསྟན་པའོ།། དང་པོ་ལ་ངོ་བོ་ཉིད་ཀྱི་སྐུ་མངོན་པར་བྱང་ཆུབ་པའི

རྩོམ་པ་པོ། ངག་དབང་འཇམ་དཔལ་བཟང་བོ། དེ་ལ་འདིར་ཀླད་དོན་གཞུང་དོན་མཇུག་དོན་གསུམ་ལས། དང་པོ་མཆོད་པར་བརྗོད་པ་དང་། རྩོམ་པར་དམ་བཅའ་བ་གཉིས་ལས།དང་པོ་མཆོད་པར་བརྗོད་པ། ཆོས་ཅན་བདེན་མིན་བརྡར་བའི་རྙེད་མཐའ་རུ།།དོན་དམ་གདོན་མའི་མགོན་པོ་འཕོ་འགྱུར་བྲལ།།དེ་ཉིད་སྟོན་ལ་འཇམ་དབྱངས་དབྱེར་མ་མཆིས།།རྒྱལ་ཀུན་གཅིག་འདུས་དཔལ་ལྡན་བླ་མར་འདུད།། གཉིས་པ་རྩོམ་པར་དམ་བཅའ་བ། ཕར་ཕྱི

རྩོམ་པ་པོ། མཁན་བསེ་ཀུན་ཆོས། འཁོར་ལོ་གསུམ་གྱི་དགོངས་དོན་མ་ནོར་བ། །ཇི་བཞིན་གཟིགས་པ་རྟོན་པ་བཞི་ལྡན་ཞེས། །མདོ་རྒྱུད་ལུང་གིས་ལན་བརྒྱར་བསྔགས་པ་ཡི། །ཀུན་མཁྱེན་དོལ་པོ་མཆོག་ལ་སྙིང་ནས་གུས། ། ཞེས་མཆོད་པར་བརྗོད་པས་མདུན་བསུས་ཏེ་འདིར་གླེང་བར་བྱ་བ་ནི་རྒྱལ་བ་སངས་རྒྱས་བཅོམ་ལྡན་འདས་ཀྱི་གསུང་བའི་བཀའ་འཁོར་ལོ་དང་པོ་བར་མཐའ་གསུམ་དྲང་ངེས་གང་ཡིན་ལེགས་པར་རྣམ་པར་མད

རྩོམ་པ་པོ། དགེ་བཤེས་ཀུན་པོ། ཚད་མའི་རིག་ལམ་དར་ཁྱབ་ཏུ་འགྲོ་བའི་སྐབས་སུ་རང་གིས་ཡང་དགེ་བའི་བཤེས་གཉེན་བཀའ་དྲིན་ཅན་དག་གི་མདུན་ནས་ཚད་མ་རིག་པའི་རྣམ་གཞག་ལ་སྦྱངས་པ་ཅུང་ཙམ་བྱས་པ་དང་དེའི་སྐབས་སུ་རིག་ལམ་གཏོང་སྟངས་འགའ་དོན་གྱི་ནོར་ཡོད་མེད་ལ་མ་ལྟོས་པར་རང་གིས་གོ་བ་ལེན་ཕྱོགས་འགའ་རེ་རང་དང་མཉམ་པ་ལ་ཕན་ཕྱིར་དང་རང་ལ་ཡང་མ་འོངས་པར་དྲན་གསོའི་ཆེད་དུ་ཡི་གེར་ཕབ་པ་ལ་ད

རྩོམ་པ་པོ། འཇམ་དབྱངས་བསྟན་པ། རྒྱལ་བ་རྡོ་རྗེ་འཆང་དང་ངོ་བོ་དབྱེར་མ་མཆིས་པའི་ཁམས་གསུམ་ཆོས་ཀྱི་རྒྱལ་པོ་ཀུན་མཁྱེན་རྟོན་པ་བཞི་ལྡན་དོལ་པོ་བ་ཤེས་རབ་རྒྱལ་མཚན་དཔལ་བཟང་པོའི་ཞབས་ཀྱི་པད་མོ་ལ་སྒོ་གསུམ་གུས་པ་ཆེན་པོས་ཕྱག་འཚལ་ལོ། །དུས་དང་གནས་སྐབས་ཐམས་ཅད་དུ་རྗེས་སུ་བཟུང་དུ་གསོལ། དེ་ཡང་མཆོད་པར་བརྗོད་པ་སྔོན་དུ་བཏང་ནས་འདིར་ཐུབ་པ་སངས་རྒྱས་བཅོམ་ལྡན་འདས་ཀྱིས་བདེ

དཔྱད་གླེང་གནང་མཁན། དགེ་བཤེས་དངོས་གྲུབ་དཔལ།གྲུབ་མཐའ། ཇོ་ནང་།དཔྱད་གླེང་ཁ་བྱང་། གཞན་སྟོང་དེ་སྤྲོས་བྲལ་གྱི་དབྱིངས་རིག་ཡིན་པ།དཔྱད་གླེང་སྙིང་བསྡུས། སྤྱིར་བོད་ལ་གཞན་སྟོང་དབུ་མ་ཆེན་མོ་དེ་མི་འཐད་ཅེས་དགག་པ་གཏོང་མཁན་མང་པོ་ཡོད་རེད་ལ། སྒྲུབ་མཁན་ཡང་ཆོས་རྒྱུད་སོ་སོའི་ནང་མང་པོ་བྱུང་ཡོད་རེད། ཡིན་ན་ཡང་གཞན་སྟོང་གི་ལྟ་བ་དེ་ཚིག་གི་ཐོག་ནས་ཟེར་ཚུལ་མ་གཏོགས་དོན་ག

བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ། །ཐར་འདོད་ཤེས་ལྡན་དོན་གཉེར་ཀུན། །གྲུབ་མཐའ་གྲགས་པའི་རྗེས་འབྲང་དང༌། །ཞེན་ཕྱོགས་འཛིན་པའི་རབ་རིབ་ཀུན། །བསལ་ཏེ་ཆོས་ལ་འཇུག་པར་རིགས། ། དེ་ཡང་རྒྱ་གར་འཕགས་པའི་ཡུལ་གྱི་སེ་ར་ཐེག་ཆེན་གླིང་གི་སེར་བྱེས་ལྷ་རམས་པ་དགེ་བཤེས་ངག་དབང་སྟོབས་ལྡན་ལགས་ཀྱིས་ལྷག་བསམ་རྣམ་པར་དག་པས་ཀུན་ནས་བསླངས་ཏེ། སངས་རྒྱས་ཀྱི་བསྟན་པའི་ཉིང་བ